वर्तमान सरकार राष्ट्र जलाएर आएको राक्षसी चरित्रको भएको सांसद नरबहादुर बिष्टको दाबी

सांसद नरबहादुर बिष्टले बालेन शाह नेतृत्वको सरकारलाई राष्ट्र जलाएर आएको राक्षसी सरकारको संज्ञा दिएका छन् । राष्ट्रियसभाको शुक्रबारको बैठकको आकस्मिक समयमा बोल्दै उनले सरकारमाथि यस्तो टिप्पणी गरेका हुन् ।

‘यो सरकार सुकुमवासी, दलित, भूमिहिन, मधेसी, मुस्लिम, गरिबमारा सरकार । यो राष्ट्र जलाएर आएको राक्षसी सरकार हो जस्तो लाग्छ मलाई,’ सांसद बिष्टले भने ।

सरकारले जनतालाई बाध्य पार्ने परिस्थिति सिर्जना गरिरहेको पनि लाञ्छना लगाए । ‘यसले राष्ट्रको सम्पत्ति जलायो, देशको इतिहास जलायो, आज त्यो इतिहासको नाममा कालो चश्मा र कालो कोट लगाएर फेरि एकचोटि नेपाली जनतालाई बाध्य पार्ने परिस्थिति सिर्जना गर्दैछ,’ उनले भने, ‘त्यसैले म यो सरकारको घोर भत्र्सना गर्न चाहन्छु ।’

सांसद बिष्टले मुगुका गणेश नेपालीको आत्मदाहको घटनाको निष्पक्ष तहकिकात गर्न र परिवारलाई क्षतिपूर्ति उपलब्ध गराउन पनि जिकिर गरे । उनले कैलालीको सुख्खडस्थित इलाका सुरक्षाकर्मी कार्यालयका डीएसपी प्रशन्नराज चौधरीलाई जिल्ला तानिएको विषयमा पनि आपत्ति जनाए ।

‘एउटा डीएसपी चौधरीले म नेपाल सरकारको सुरक्षाकर्मी हुँ भन्न नपाउने ? म बालेनको सुरक्षाकर्मी होइन, नेपाल सुरक्षाकर्मी हुँ भन्दा उसलाई जिल्लामा झिकाइन्छ,’ बिष्टले भने, ‘यस्ता अत्याचारी क्रुर शासकका विरुद्धमा नपाली जनता पर्खेर धेरै बस्न सक्दैनन् जस्तो लाग्छ ।’