खोटाङको दिप्रुङ चुइचुम्मामा काठको मुढाले च्यापिएर ट्याक्टर सहचालकको घटनास्थलमै मृत्यु

२९ साउन । खोटाङमा ट्याक्टरमा काठ लोड गर्नेक्रममा मुढाले किच्दा एकको मृत्यु भएको छ ।

दिप्रुङ चुइचुम्मा गाउँपालिका–५ सछितापोखरीको धापमा को २ त ९६९९ नम्बरको ट्याक्टरमा उत्तिसको काठ लोड गर्नेक्रममा ट्याक्टरको डालाबाट मुढासँगै लडी झर्दा पाख्रिबास नगरपालिक-३ धनकुटाका ३५ वर्षीय लिला मगरको मृत्यु भएको हो ।

साउन २९ गते बिहान ४ बजेको झिसमिसमा काठ लोड गर्नेक्रममा ट्याक्टरको डालाबाट मुढासँगै भुईंमा खसेका मगरको घटनास्थलमै मृत्यु भएको जिल्ला सुरक्षाकर्मी कार्यालय खोटाङका सूचना अधिकारी सुरक्षाकर्मी निरिक्षक निराजन बस्नेतले जानकारी गराए ।

ट्याक्टरबाट सुल्केर झरेको मुढासँगै खसेका मगरको सोही मुढाले किचिएर मृत्यु भएको हो ।

घटनाको जानकारी आए लगत्तै अस्थायी प्रहरीचौकी छितापोखरीबाट खटिएका सुरक्षाकर्मी वरिष्ठ हवल्दार उमाकान्त राय नेतृत्वको टोलीले घटनास्थल सुरक्षित गरेका छन् ।

ट्याक्टर चालक महालक्ष्मी नगरपालिका-३ धनकुटाका १९ वर्षीय सुनिल गुरुङलाई अस्थायी प्रहरीचौकी छितापोखरीले नियन्त्रणमा लिएको छ ।