मानसिक स्वास्थ्य र आत्महत्या न्यूनीकरणमा राज्यको भूमिका खोइ ? : रास्वपा सचेतक धितालको संसद्मा प्रश्न

२६ भदौ । राष्ट्रिय स्वतन्त्र पार्टीकी सचेतक क्रान्तिशिखा धितालले आत्महत्या रोकथाममा सरकारले काम गर्नुपर्ने बताएकी छन् ।

उनले प्रतिनिधिसभाको छलफल सत्रमा बोल्दै यस्तो बताएकी हुन् ।

‘१० सेप्टेम्बरमा विश्वले आत्महत्या रोकथाम दिवस मनायो । यद्यपि यो अभियानमा नेपाल कहाँ छ ? आफैँलाई सोधौं’ उनले भनिन् ।

एकै हप्तामा तीन जना आत्मदाहमा होमिएको उनले बताइन् ।

स्वास्थ्य सेवा विभागको तथ्यांक उद्धृत गर्दै उनले दैनिक २० जनाले आत्महत्या गर्ने गरेको बताइन् । यसको रोकथाममा के कति काम गरियो भनेर समीक्षा गर्न आवश्यक रहेको बताइन् ।

मनोपरामर्शमा चनाखो बन्न आवश्यक रहेको बताइन् ।