रसेलको शानदार अलराउण्ड प्रदर्शन, विराटनगरले जनकपुरलाई २ रनको रोमाञ्चक अन्तरले हरायो

आन्द्रे रसेलले अलराउण्ड प्रदर्शन गरेपछि विराटनगर किंग्सले नेपाल प्रिमियर लिग (एनपीएल) मा जनकपुर बोल्ट्सलाई २ रनले पराजित गरेको छ । ब्याटिङमा अर्धशतक बनाएका रसेलले बलिङमा इनिङ्सको सनसनीपूर्ण अन्तिम बलमा विकेट लिएपछि विराटनगरले रोमाञ्चक विजय हासिल गरेको हो ।

विराटनगरले दिएको १७६ रनको लक्ष्य पछ्याएको जनकपुरले २० ओभरमा ७ विकेट गुमाएर १७२ रन बनायो । सनसनीपूर्ण अन्तिम बलमा विकेट लिएका रसेलले खेलमा ४ विकेट लिए ।

विराटनगरले सुरुवाती दुई खेलमा पराजय बेहोरेपछि एकपछि अर्को गरी दु२ खेल जित्दै ४ खेलबाट ४ अंक जोडेको छ । चार खेलमा जनकपुरको यो दोस्रो पराजय हो । जनकपुरको पनि ४ खेलबाट ४ अंक नै छ ।

जनकपुरका लागि बंगलादेशी प्रतिस्पर्धी खेलाडी सेफ हसनले सर्वाधिक ७१ रन बनाएपनि जिताउन सकेनन् । उनलाई रसेलले सनसनीपूर्ण अन्तिम बलमा बसिर अहमदबाट क्याचआउट गराए । ४८ बल खेलेका हसनले २ चौका र ५ छक्का प्रहार गरे । विशाल सुशिलङले ४३ र जिमी निशमले २९ रन जोडे ।

जनपुरले ३० रन हुँदा सुरुवाती ३ विकेट गुमाएको थियो । यद्यपि सेफ हसन र विशाल सुशलिङले चौथो विकेटका लागि ७६ रनको महत्वपूर्ण साझेदारी गर्दै जनकपुरको इनिङ्स सम्हालेका थिए ।

यस संस्करणमा पहिलो खेल खेलेका विशालले ३० बलमा २ चौका र ३ छक्का मदतमा ४३ रन बनाए । विशाल आउट भएपछि जिमी निशमले सेफ हसनलाई साथ दिँदै आक्रमक ब्याटिङ गरेका थिए । निशमले १५ बलमा ३ चौका प्रहार गर्दै २९ रन जोडे । पाँचौ विकेटका लागि हसन र निशमले ५६ रनको अर्धशतकिय साझेदारी गरेका थिए ।
यद्यपि निशमलाई विराटनगरका रुपशे सिंह्यले १९औं ओभरको सनसनीपूर्ण अन्तिम बलमा आउट गर्दै विराटनगरलाई खेलमा फर्काए । सेफ हसनले अन्तिमसम्म क्रिजमा रहेर जितको प्रयास गरेपनि सनसनीपूर्ण अन्तिम बलमा आउट हुँदा जिताउन सकेनन् ।

बलिङमा विराटनगरका लागि आन्द्रे रसेलले ४ ओभरमा ४५ रन खर्चेर ४ विकेट लिए । एन्जेलो म्याथुजले २ तथा रुपेश सिंहले १ विकेट लिए । त्यसअघि इमरान शेख, लोकेश बम र आन्द्रे रसेलले अर्धशतक प्रहार गरेपछि टस हारेर पहिले ब्याटिङ गरेको विराटनगर किंग्सले २० ओभरमा ३ विकेट गुमाएर १७४ रन बनाएको थियो ।
विराटनगरका लागि इमरान शेखले सर्वाधिक ५६ र ओपनर लोकेश बमले ५० रन बनाए । आन्द्रे रसेलले अविजित ५२ रन बनाए ।

एनपीएल इतिहासमा एकै खेलमा दुई नेपाली ब्याटरले अर्धशतक प्रहार गरेको यो पहिलो पटक हो । इमरानले ४५ बल खेल्दै ५ चौका र २ छक्का मदतमा ५६ रन बनाए । लोकेशले ४० बल खेल्दा समान ३ चौका र ३ छक्का मदतमा ५० रन जोडे ।

ओपनर शेहान जयासूर्य टिमको स्कोर २ रन हुँदा नै आउट भएपछि वान डाउनमा आएका इमरान शेख र ओपनर लोकेश बमले दोस्रो विकेटका लागि १०७ रनको साझेदारी गरेका थिए । यस सिजन यो पहिलो शतकिय साझेदारी हो ।

यस्तै आक्रमक ब्याटिङ गरेका आन्द्रे रसेलले २९ बलमा अविजित ५२ रन बनाए । आक्रमक ब्याटिङ गरेका उनले २ चौका र ५ छक्का प्रहार गरे । शुभम रन्जाने ७ रनमा अविजित रहे ।

बलिङमा जनकपुरका लागि अभिषेक तिवारीले २ तथा मोइन अलीले १ विकेट लिए ।