एसियाली ओलम्पिक काउन्सिल (ओसीए) द्वारा नेपालका पाँच खेल पदाधिकारी सम्मानित

२६ असोज । ओलम्पिक काउन्सिल अफ एसिया (ओसिए) ले २०औं एसियाली खेलकुदको दौरान नेपाल ओलम्पिक कमिटीका चार जना र नेपालका एक खेल पत्रकारलाई प्रशंसापत्रसहित सम्मान गरेको छ ।

ओसीएले नेपाल ओलम्पिक कमिटी (एनओसी) का सचिव रामकृष्ण श्रेष्ठ, सदस्य लाक्पा छिरिङ लामा, कार्यकारी सचिव सुजनलाल श्रेष्ठ, आइटी एन्ड कम्युनिकेसन अफिसर आयुश जोशीका साथै गोरखापत्र दैनिकका खेल पत्रकार प्रजित शाक्यलाई एसियाली खेलकुदको पदक र कदरपत्रसहित सम्मान गरेको हो ।

एसियाको सर्वाधिक ठूलो खेल मेला एसियाडको खेल भावना, एकता र सहभागिताका मूल्यमान्यताको प्रवर्धन र प्रचारप्रसार गरेको भन्दै उहाँहरुलाई सम्मान गरिएको हो ।

२०औं एसियाली खेलकुद जापानको आइची नागोया शहरमा सेप्टेम्बर १९ देखि अक्टोबर ४ तारिखसम्म आयोजना भएको थियो । आइची नागोया एसियाडमा ४५ देशका प्रतिस्पर्धी खेलाडी र अफिसियल गरी करिब १७ हजारको सहभागिता रहेको थियो ।

नेपालका १ सय ३५ खेलाडीले २१ खेलमा सहभागिता जनाएका थिए । २०औं एसियाडमा नेपालले दुई कांस्य पदक हासिल गरेको थियो । करातेका तेन्जिङ शेर्पा र महिला कबड्डी टोलीले नेपाललाई कांस्य दिलाएका थिए ।